"an independent online kurdish website

لە کۆتایی ئەم بەشە دا نەزەر و بۆچوونی بەشێکی دیکە لە ئەندامانی ڕێبەری حیزب کە سی (30) ساڵ پێش ئێستا سەبارەت بە هەل و مەرجێکی ئاستەم لە ژیانی حیزبایەتی دا ڕووی دابوو دەخرێتە بەر دیدی خوێنەران،


 لە هەمان کات دا ئێستاش هەل و مەرجێکی تایبەت هاتۆتە ئاراوە، دەکرێ هەم وەک ئەزموون کەڵکی لێوەر بگێردرێ و هەم نەزەر و بیروڕای هەمووان بە هێند وەر بگیردرێ، وەک چۆن دوکتور قاسملوو داوای نەزەر و بۆچوونی هەموو قەوارەی حیزبی لە ڕێبەرایەتی حیزبەکەی کرد.

سەید سەلام عەزیزی

درێژە پێدانی خەباتی حیزب بەشێوەی چەکداری درێژەی هەبێ، لە بەین بردنی جەوی بارهاتووی مەنفی لە نێو خەڵک، پەیدا کردنی شوێنی موناسب لە شومال، مەرکەز، جنووب بۆ مانەوەی پێشمەرگە، کاری دەرەوە ڕەنگدانەوەی عەمەلکەردی نێوخۆی کوردستانە، سازمانە سیاسیەکان بە ئەندازەی ئێمە تەشکیلاتیان نیە لە نێوخۆی وڵات، ئیحمتاڵی تەوافوق بۆ لێدانی کورد لە لایەن هەردوو وڵاتەوە لە نەزەر نەگیراوە.

عەولا عێزەت پوور

ڕژیم لە هەموو بارێکەوە زەربەی خواردوە، وەختی بەرهەم هەڵگرتنە، ڕژیم وەزعی خراپە، ئەو خەرجە لێرە لە موحیتی سابیت دەکرێ ئەگەر بۆ پێشمەرگە بکرێ باشترە، بنەماڵەکان لە شارە مەرزیەکانی عێراق سازمان بدەین، دونیا لە خۆتان مەکەنە چەرمی چۆلەکە، زەمانی شا دەچوینە ڕاو، شەو تا بەیانی لە نێو بەفر دابووین بە کیسە خەوێک گوزرەرانمان دەکرد.

باباعەلی مێهرپەروەر

کاک عەوڵا گیان زەمانی شا ڕاوت دەکرد، بەڵام ئێستا ڕاوت دەکەن، ئێمە ئاش بەتاڵ ناکەین، ئەگەر ئێمە بمانەوەێ شەڕی چەکدارانە بکەین بێگومان پشتی جەبهەیەکی دەوێ، بە بێ پشتی جەبهە ئیمکانی موبارزە نیە، ئەگەر تورکیە ئیجازەی نەدا چی؟ بە نەزەری من لەو سوڕەتەدا جستان بەشێک لە ڕێبەریمان بنێرینە ناو شارە گەورەکانی ئێران، تاران، تەورێز، بەدەنەی حیزب خوازیاری موبارزەی چەکدارانەیە، ئێمە نابێ بێ تەفاوەت بین، بە شێوەی سیاسی و نیزامی فەعالیەت بکەین، سابوتاژ.

برایم لاجانی

درێژە پێدانی خەبات لە هەر شێوەیەکی مومکین، ئێران و عیراق بەم زوانە ناگەنە سوڵحی دائیم، ئەو سوڵحە لە سەر تیاچوونی کورد نیە و نابێ، بیروڕای جیهانی بە قازانجی کورد دەگۆڕدرێ، خۆمان سووک کەین، سیاسی، تەبلیغی، دیپلۆماتیک، خەمتان نەبێ! خوڵا تا دەرگایەکی دادەخا دە دەرگا دەکاتەوە.

د. قاسملوو

هێندێک لە سازمانە سیاسیەکان لە دیموکڕاسی حیزبی ئێمە سوئی ئیستفادە دەکەن، بەشێکیان ئێمە بە مانعی سەر ڕێگەی خۆیان دەزانن، ئێمە ئەوەی توانیمان بۆ ئەوان کردمان، سازمانەکانی، ئەکسەریەتی کشتگەر، ئازادی کار، حیزبی دیموکڕاتیکی مردم، لە گەڵ ئێمە دۆستن، سازمان هەیە خۆی لە بورجی عاج دەبینێ کەچی هیچی واش نین.  ئێمە دەبێ تێکۆشانمان ئەوە بێ هیچ ڕێکخرواێکی مەزهەبی نەیەتە سەر کار، چ شیعە، چ سوونی، هەدەفمان ئەوەیە لە گەڵ کۆمەڵە دەرگیر نەبین، وەزعی کۆمەڵە خەریکە دەگاتە جێگایەکی حەساس، بەشی ئێرانچیەتی و کوردستانی. دەبێ ڕاوەستین و چاوەڕێ بین بزانین چێ لە نێویاندا ڕوو دەدات.

 پەیوەندی ئێمە لە گەڵ وڵاتانی سۆسیالیستی،  لەو بارەوە چوکترین کۆتایی نەکراوە، سیستماتیک پەیوەندیمان گرتوەو دائیمی بووە، نامە نوسراوە پێشنیارمان کردوە، چەندین جار بەڵام تا ئێستا بۆ نمونە یەک جار یەکێک لە داواکانی ئێمە وڵامی موسبەتی نەبووە، گلاسنۆست دەگاتە ئەو جێگە کە ئێمە پەیوەندیمان ببێ لە داهاتوودا، دەگاتێ مەسەلەی چەکی شیمیایی یەک جار لە سۆڤیەت باسی لێوە نەکراوە.

خودموختاری دەتوانین وەربگرین و پەرە بدەین بە دیموکراسی،  دەکرێ لە کوردستان خودموختاری هەبێ بەڵام لە شوێنەکانی دیکە نەبێ، لەو سوڕەتە دا سێ شت هەیە:

یا خودموختاریەکەی ئێمە پەرە دەستێنێ و بۆ لای فەزای ئازاد بۆ گەلانی دیکە

یا تەنیا لە چوا چێوەی کوردستان دەمێنێ

یا هێرش دەکەنە سەرمان، وەک تاکتیک دوژمن کەڵکی لێوەر دەگرێ بۆ تێک دانی خودموختاریەکە.

ئەگەر بۆ ماوەیەکیش بە شێوەی چەکداری فەعالیەت نەکەین وەک گۆڕینی تاکتیک مەسەلەیەک نیە،

سێ ئوپوزسیۆن لە نێو خۆی ڕژیم هەیە، خەڵک، جناحەکانی ناو خۆی ڕژیم، ڕێکخراوە سیاسیەکان

لە ناوچەی شومال ڕژیم ڕێگای بۆ شاخەکان نەکێشاوە، گەر کێشرابێتیش زۆر بەکەمی، بۆ عەمەلیات و خۆ پیشاندان دەنگ دانەوەی بۆ ئوروپا زۆر باشە.

بنەماڵەکان سێ ڕێگایان لە بەرە

ناردنەوە بۆ ئێران

ناردنیان بۆ ئۆردوگای ڕۆمادی

ببنە پێشمەرگە و چەک هەڵبگرن

 

مستەفا مەولوودی

دەبێ واقعیاتی مەوجودی کوردستانمان لە بەر چاو بێت، حیفزی نیرو شتێکی بە کەڵکە، نیشان بدەین جووڵانەوە ماوە، سەعی بکەین مەسیری ڕۆشتنەوەی پێشمەرگە بگۆڕین.

تەقسیم کردنی ڕێبەرایەتی لە شەرایەتی ئاستەم دا

باباعەلی/ لە گەڵ دەفتەری سیاسی بۆ خارج موافقم

فەتاح عەبدولی/ دەفتەری سیاسی بچنە دەرەوەی وڵات کۆمیتەی مەرکەزی ٣ تا ٥ کەسیان کاری دەفتەری سیاسی لێرە بەڕیوە بەرن.

دوکتور شەرەفکەندی

ڕەهبەری لە چوار جێگا بێت، داخڵ، دەرەوە، عێراق، تورکیە

حەسەن شەرەفی

بۆ ئەوەی بە خەڵک نیشان بدەین کە ڕاوەستانی شەڕی ئێران و عێراق تەئسیری نیە، دەبێ باش عەمەل بکەین، هێزەکانمان دەبێ زەمینە سازی وەزعی مانەوە بن، پەیوەندی لە گەڵ ئەفرادی تەشکیلاتی بگرین، کاری نهێنی بکەین.

مستەفا هیجری

لە باری تەشکیلاتیەوە کاری موشەخەس بکەین با تەجروبەی لێ وەرگرین، دیاری کردنی کادری محەللی، لە هەر کۆمیتە شارستانێک کادرێکی باش خۆی تەحویل بداتەوە، لە هەر شارێک دوو هەستە یا دوو نەفەر ی مونفەرید بۆ زانیاری هەڵبژێرین، وەرگرتنی ئیتلاعاتی کافی، بۆ کاری نیزامی لە هەر هێزێک ٨ تا ١٦ پێشمەرگە تا یەک لک بڕۆنەوە ناوچە و نەگەڕێنەوە نێو هێز، بۆ ماوەی ٧ مانگ بچنەوە ناوچە لە مانگی یەکی بەهار تا یەکی پاییز، قوردرەتی کەم بوونەوە و زیاد بوونەوەی هێزەکانمان زیاتر بکەین، لە سنورەکان بنکەی سابیت نەمێنێ زوتر بگەرێنەوە ناوچە.

دوکتور قاسملوو

پێوەندیەکانی دەرەوە

لە گەڵ دەوڵەتان پەیوەندیمان گرتوە،  لە فەڕانسە لە گەڵ چەند مەقامی دەوڵەت، لە کۆنفڕانسی بانەمەڕ دا بەشداری دەکەین، مێژوی کورد، تەقسیمی کوردستان، وەزعی کۆمەڵایەتی کورد ،ساختمانی کۆمەڵی کوردەواری، ژن لە کوردستان و چەند بابەتی دیکە لە سەر کوردستان بە جیا جیا.

دە کەس کەم ئەندام دەنێرینە دەرەوە بۆ ئوتریش.

لە گەڵ شوێنێک قسەمان کردوە بۆ مەسەلەی ڕادیۆ، قەرارە ڕۆژی دوو جار لە تەریقی کەشتیەک بەرنامەکانی ڕادیو دەنگی کوردستان بڵاو بکرێتەوە.

لە گەڵ مام جەلال تاڵەبانی و برادەرانی کوردی تورکیە دانیشین.  لە گەڵ تەڤگەر کە بەر نامەیەکی کوردیە ٨ سازمانین، کوردی عێراق ٦ کەس، تورکیە ٨ حیزب، ئێران یەک حیزب، ڕێکخراوی هاوبەشی کوردستان لە وانەی دەرەوە پێک دێت.

شەش مانگی دیکە لە گەڵ سەفارەتی سۆڤیەت، سەفیری ئەمریکا، سەفیری سوید، سەلیبی سوور و ئەو ڕێکخراو و شەخسیەتانە کە دەمانەوێ دۆستایەتیان بکەین قسە دەکەین.

ئەکسەریەتی فەروخی نگەهدار لە سەر داوای خۆیان رایانگەیاندوە ڕەخنەیان لە ڕابردووی خۆیان گرتوە، بەرانبەر جولانەوەی کوردستان .لە رۆژنامەی ژمارە ٢٤٢ هاتووە.

پارتی دیموکڕاتی کوردستانی عێراق چەند جار خەبەریان ناردوە ئاشت بینەوە لە گەڵیان، ئاشت دەبینەوە بەڵام ئەوە کە کردویانە لە بیرمان ناچێت.

ڕێکخراوی نێهزەتی ئازادی بازرگان، چەند جار پەیوەندی گرتوە، بەڵام جوابمان نەداونەتەوە، ئەگەر موافقی ئەسڵی خودموختاری بن پەیوەندیان لە گەڵ دەگرین.

بەنی سەدر، ئەسڵی خودموختاری قەبووڵە.

تورکیە قەرارە پەیوەندیمان لە گەڵ بگرن هێندیک تەبادولی نەزەر کراوە.

لە گەڵ عێراقەیەکان قسەمان کردوە لە گەڵ ئوپوزسێۆنی عێڕاقی خەریکی وتوویژن.

فەعالیەت لە دەرەوەی وڵات, ئەو بەشەی بە ئەندامانی ناوەندی و غەیری ناوەندی لە دەرەوە کراوە بەرچاو بووە، جێژن و بۆنەکانی حیزبی لە دەرەوەی وڵات باش بووە، بڕیار ئەوەیە نوێنەری حیزب لە پاریس کاک عەولای قادری بچی بۆ فێر بوونی زمانی ڕەسمی بۆ کار و باری سیاسی بەکەڵکە شەش مانگ دەورە ببنێ.

ئەوە ئاخرین وتەکانی کاک دوکتوو قاسملوو بوون کە من یادداشتم لێ هەڵگرتوون دوای ئەو کۆبونەوانە سەرفەری دەرەوەی وڵاتی کرد و  بەداخەوە ماجرای شەهید بوونی بە سەر داهات لە زانایی و بەهرەی هەرە زۆری خۆی هەمووانی بێبەش کرد، ڕێبەرێکی بە تەواو مانا زانا و کارلێهاتوو، جێ پەنجەی تا هەتایە بە چوڵانەوەی کوردەوە بە درەوشاوەیی دەمێنێتەوە، لە سی (30) ساڵەی شەهید بوونی دا، یادی ئازیزی بەرزو بەڕێز ڕادەگرین وەفادار بە ئامانجەکانی کە سەرکەوتنی گەلی کوردە لە کوردستانێکی ئازاد دا دەمێنینەوە.

 

 

نویتـرین هەواڵ و بابەت


فارسی