ماڵه‌وه‌
په‌یوه‌ندی
ناردنی بابه‌ت
لینک
پێناسه‌
بیره‌وه‌ری
ڕێبه‌ران
کۆنگره‌
ئاگاداریه‌کان
ئه‌رشیفی هه‌واڵ
ئه‌رشیفی بابه‌ت
وێنه‌
سروود
فیلم
هۆنراوه‌
ده‌فته‌ری میوانان
تیرۆر
ترور و جنایت
فارسی
English
Svenska
کتێبه‌کان
‌ساڵه‌‌ نه‌ڵۆسی
وه‌رگێڕ
رادیۆ
جوێ بوونه‌وه‌
 

ئاگاداریه‌کان

Date: 11 Apr 2011 / Views: 1456 یادی 10ی خاکه‌لێوه‌ له‌ ده‌ره‌وه‌ی وڵات

رێوره‌سمی یادی 10ی خاکه‌لێوه‌ رۆژی شه‌هیدانی کوردستان به‌ شیوه‌ی جۆرواجۆر له‌ ده‌ره‌وه‌ی وڵات به‌ڕێوه‌ چوو، له‌م باره‌وه‌ وێنه‌ و راپۆرتمان به‌ ده‌ست گه‌یشتووه‌. سه‌رجه‌م وێنه‌ی گه‌یشتوو له‌ ئالبۆمی تایبه‌ت به‌ 10ی خاکه‌لێوه‌ دانران.

بۆ دیتنی وێنه‌کان ئێره‌ کلیک بکه‌ن

لە شاری کاڵماری وڵاتی سوێد یادی ١٠ی خاکەلێوە بەڕێوە چوو.

ڕۆژی دوو شەممە ڕێکەوتی ١١/٤/٢٠١١ کاتژمێر ٧ و ٣٠ خولەکی سەر لە ئێوارە، کۆمێته ی کالماری حیزبی دیموکراتی کوردستانی ئێران به بيشداری کۆمەڵێ لە ئەندامان و دۆستانی حیزب، بە بۆنەی ١٠ی خاکه لیوه رۆژی شه هیدانی کوردستان ڕێوڕەسمێکی بەڕێوە برد. پاش بەخێرهاتن کردنی بەشدارببوان لەلایەن بەڕێز کاک ئەبوبەکر ڕەحمانی، خولەکێک بێ دەنگی و هەستانەسەر پێ بۆ ڕێزگرتن لە خەبات و تێکۆشانی سەرجەم شەهیدانی کورد و کوردستان ڕاگیردرا. دواتر بەم شێوەیەی خوارەوە ڕێوڕەسمەکە دەستی پێ کرد.
* چەند وتەیەک لەلایەن کاک ئەبوبەکر ڕەحمانی ئەندامی کومیتەی گشتی سوێد سەبارەت بە دەستکەوتەکانی کۆماری کوردستان.
* باسێک لەسەر کەسایەتی پێشەوای نەمر و هاوڕێیانی بەتایبەت مەلا مستەفا و هەڤاڵانی لەسەردەمی کۆماری کوردستاندا لەلایەن کاک ناسر ئه شرفی.
پاشان بەو بۆنەیەوە پیامی یه‌کیتی ژنانی دیموکراتی کوردستانی ئیران خویندرایه‌وه. *

لە دواین بەشی ڕێوڕەسمەکەدا بەنیشانەی رێزگرتن له بنه‌ماله‌ی سه‌ربه‌رزی شه‌هیدان له‌لایه‌ن به‌رێز کاک موحەممەد ڕەسوڵی چه‌پکه گولی ڕێز و وه‌فاداری پێشکەش به کاک عادڵ دودکانلوو برای شه‌هید موحەممەد دودکانلوو کرا. هەر لەوێدا ئه‌ندامانی کۆمیته‌ی کالماری حیزبی دیموکراتی کوردستانی ئیران بۆ جارێکی دیکه به‌لێنیان دووپات کردەوە کە هەردەم له‌گه‌ڵ بنه‌ماله‌ی سه‌ر به‌رزی شه‌هیدان بن و تاوه‌دێهاتنی ئاوات و ئامانجه پیرۆزه کانیانی شەهیدان دەسست لەخەبات و تێکۆشان هه‌ل نه‌گرن و دریژه ده‌ری رێبازی پیرۆزیان بن.
پاش دوو کاتژمێر ڕێوڕەسمەکە کۆتایی پێهات.
حیزبی دیمۆکراتی کوردستانی ئێران ـ کومیتەی کاڵمار

.............

به‌رێوه‌چوونی رێوره‌سمی 10ی خاکه‌لێوه له شاری یوته‌بۆری له و‌ڵاتی سوئێد

رۆژی یه‌ک‌شه‌ممه رێکه‌وتی 10 ئاپریلی 2011 له شاری یوته‌بۆری و‌ڵاتی سوئێد رێوره‌سمێک به بۆنه‌ی 10ی خاکه‌لێوه ، رۆژی شه‌هیدانی کوردستان، به به‌شداری نوێنه‌ری هه‌موو هێزو لایه‌نه ‌سیاسییه‌کانی کورد و کوردستان‌ و سه‌رجه‌م ئه‌ندامان‌و لایه‌نگرانی حیزب لەو شارە، به‌رێوه‌چوو.

سه‌ره‌تا به‌رنامه‌که به سرودی نه‌ته‌وایه‌تی ئه‌ی ره‌قیب‌و راگرتنی یه‌ک خوله‌ک بێده‌نگی بۆ رێز گرتن له گیانی پاکی شه‌هیدانی کورد و کوردستان، ده‌ستی پێکرد.‌ بەخێرهاتن کردنی بەشداربووان له لایه‌ن به‌رپرسی کۆمیته‌ی حیزب ،کاک ره‌ئوفی نه‌قشبه‌ندی، ڕێوڕەسمەکە بەم شێوەیەی خوارەوە دەستی پێکرد.
په‌یامی کۆمیته‌ی حیزبی دێموکراتی کوردستانی ئێران له شاری یوته‌بۆری له لایه‌ن کاک ساڵه‌ح شه‌ره‌فی.
په‌یامی هێزه سیاسیه‌کانی کورد و کوردستان له لایه‌ن کاک جه‌لال گه‌رگه‌ر.
چه‌ند هونراوه‌یه‌ک له لایه‌ن به‌رێوه‌به‌ری رێوره‌سمه‌که خۆشکه شه‌رمین بابان.
دواتر به‌ڕێزان نه‌جمه‌دین شیخ بزه‌ینی‌ و ماموستا هێرش باسێکیان له سه‌ر 10ی خاکه‌لێوه‌و که‌سایه‌تی پێشه‌وای نه‌مر قازی محه‌ممه‌د پێشکه‌ش کرا.
په‌خشانێک له لایان به‌رێز کاک ئاسۆ شنویی له سه‌ر 10ی خاکه‌لێوه‌.

له دوایین به‌شی ڕێوڕەسمەکەدا له لایه‌ن کۆمیته‌ی حدکای شاری یوته‌بۆری شاخه گۆل و لوحه‌ی رێزلێنان پێشکه‌ش به بنه‌ماڵه‌ی سه‌ربه‌رزی شه‌هیدانی هه‌ر چوار پارچه‌ی کوردستان لەم شاری کرا.


حیزبی دێموکراتی کوردستانی ئێران ـ کۆمیته‌ی یوتو‌بۆری
10-04-2011

.................
به‌ڕێوه‌ چوونی ڕێوره‌سمی 10ی خاکه‌لێوه‌ له‌ ستۆکهۆلم

ڕۆژی شه‌ممه‌، 2ی ئاوریلی 2011، ڕێوڕه‌سمێک له‌ گۆڕستانی "سکوگس شیرکۆ گۆرده‌ن" هەڵکەوتوو لە باشوری ستٶکهۆڵم له‌ سه‌ر گڵکۆی یەکیک لە ڕێبوارانی ڕێگای ئاشتی و ئازادی کوردو کوردستان شەهید کەریم محەممەد زادە کە بەدەستی ترۆریستەکانی کۆماری ئێسلامی شەهید کرا، کۆبوونەوەولە ڕێوڕەسمێکی بەشکوو دا به‌ شداری ژماره‌یه‌کی بەرچاو له‌ ئەندامان و لایەنگرانی حیزبی دیمۆکراتی کوردستانی ئێران، یادی ١٠ی خاکەلێوە ڕۆژی شەهیدانی کوردستان بەرز ڕاگیرا
ئه‌م ڕێوڕه‌سمه‌ به‌ خوێندنه‌وه‌ی سروودی نەتەوایەتی ئه‌ی ڕه‌قیب و ساتێک بێده‌نگی بۆ ڕێزگرتن له‌ گیانی پاکی شه‌هیدان ده‌ستی پێکرد.
دواتر په‌یامی کۆمیته‌ی ستۆکهۆڵمی حدکا بۆ به‌شداربووان خوێندرایه‌وه‌.
باسێک له‌ سه‌ر 10ی خاکه‌لێوه‌، سه‌ردێڕی وته‌کانی خۆشکه‌ "سه‌کینه‌ چه‌وانمه‌رد" بوو. ناوبراو له قسه‌کانی دا ئاماژه‌ی به‌ کەسایەتی بەرزی شەهید پێشەوا قازی محه‌ممه‌د و ڕێبازه‌که‌ی کرد و هیوای خواست که‌ پێشەوا قازی محەممەد ببێته‌ سومبۆلێک بۆ ئازادی خوازی گه‌لی کورد.
لە بڕگەیەکی دیکەی ڕێوڕەسمەکەدا په‌یامی هاوبه‌شی یه‌کێتی ژنان، یه‌کێتی خوێندکاران و یه‌کێتی لاوانی دیمۆکراتی کوردستانی ئێران خوێندرایه‌وه‌.
پێشکه‌ش کردنی سروودی "ئه‌ی شه‌هیدان" به‌شی کۆتایی ئه‌م ڕێوره‌سمه‌ بوو.
شایانی باسە دوا بەدوای ڕێوڕسمەکە هارێیان بۆ سەر گڵکۆی شەهیدان ئەبووبەکر هیدایەتی و شە‌لا ئەحمەدی لە گۆڕستانی سۆڵنا شیرکۆگۆردەن هەڵکەوتوو لە باکووری شاری ستۆکهۆڵم وەڕێ کەوتن و دەستە گوڵی ڕێزو ئەمەگناسیان لە سەر گڵکۆی ئەو نەمرانە دانا.
حیزبی دێموکراتی کوردستانی ئێران ـ کومیتەی ستۆکهۆڵم
١٣/١/١٣٩٠هەتاوی
.........................

یادی ١٠ی خاکەلێوە لە شاری فاڵۆن بەرز و پیرۆز ڕاگیردرا.

ڕۆژی شەممە رێکه‌وتی ٢/٤/٢٠١١ کۆمیته‌ی فاڵۆنی حیزبی دێمۆکراتی کوردستانی ئێران به‌ هاوکاری یه‌کتیی کوردانی ئه‌وه‌ شاره‌ بۆ رێزگرتن له‌ ۱۰ی خاکه‌لێوه‌ ساڵ رۆژی شه‌هیدانی کوردستان سیمینارێکی بۆ سه‌ر جه‌م ئه‌ندامان و دۆستانی حیزب و کوردانی دانیشتووی ئەو شارە پێک هێنا.
شایانی باسە ڕێوڕەسمەکە بەم‌ شیوەیەی خواره‌وه‌ ده‌ستی په‌کرد. سەرەتا وەک هەمیشە بە سروودی نەتەوایەتی ئەی ڕەقیب و ڕاگرتنی خولەکێک بێدەنگی بۆ ڕێزگرتن لە گیانی پاکی سەرجەم شەهیدانی ڕێگای ڕزگاری کورد و کوردستان، بە تایبەت ڕێبەرانی شەهید، قازی، قاسملوو و شەرەفکەندی. پاشان له‌ لایەن کاک مه‌ولوود ئاره‌ئه‌فشانەوە به‌ خیر هاتنی به‌ شدار بووان کرا. دواتر په‌یامی کۆمیته‌ی فاڵۆنی حیزبی دێموکراتی کوردستانی ئیران له‌ لایەن کاک حه‌سه‌ن شوکری خێوێندراوه‌.
نۆرە گەشتە کاک حوسین ئیبراهیمزاده‌ و باسێکی پڕ نیوەڕۆک له‌ سه‌ر شه‌هیدان و ڕەوڵی شەهیدان و بەتایبەت پێشەوای نەمر لە خەباتی ڕزگاریخوازانەی گەلەکەمان دا. شایانی باسە لە دواین بەشی سیمینارەکەدا ١٠ وێنەی ڕێبەرانی شەهید لەگەڵ دەستە گوڵی ڕێزوحورمەت پيشکەش بە بنەماڵەی سەربەرزی شەهیدانی ئەو شارە کرا. پاش دوو کاتژمێر سیمینارەکە کۆتایی پێهات.
حیزبی دێمۆکراتی کوردستانی ئێران ـ کومیتەی فاڵۆن.

...............

لە شاری لینشۆپینگی وڵاتی سوێد،یادی ڕۆژی شه‌هیدانی کوردستان به‌رز و پیرۆز ڕاگیرا.
رۆژی شه‌ممه‌ کومیته‌ی لینشۆپینگی حیزبی دێموکراتی کوردستانی ئێران، به‌ به‌شداری ئه‌ندامان و لایه‌نگران و دۆستانی حیزب و نوینه‌رانی ڕیکخراو و حیزبه‌ سیاسییه‌کانی کورد و کوردستانی ، 10 خاکه‌لیوه‌ ڕۆژی شه‌هیدانی کوردستانی یاد کردەوە. سه‌ره‌تا له‌ لایه‌ن پێشکه‌ش کاری ڕێوره‌سمه‌که‌ خوشکه‌ سه‌بریه‌ ئه‌لیاسی ویرای به‌ خیرهاتن کردنی به‌شداربووان، به‌ سروودی نه‌ته‌وایه‌تی ئه‌ی ڕه‌قیب و خوله‌کێک بێده‌نگی بۆ ڕیزگرتن له‌ گیانی پاکی شه‌هیدانی کوردستان ده‌ستی پێ کرد. پاشان کۆمەڵێ لە وته‌ به‌ نرخه‌کانی د. قاسملوو له‌ سه‌ر شه‌هیدان پێشکه‌ش کرا.
پاشان لەلایەن کاک کویسی به‌رپرسی کومیته‌ی حدکای شاری لینشۆپینگ وتەیک پێشکەش کرا. پیامی کومیتەی لینشوپینگی حیزبی دێموکراتی کوردستانی ئیران یەکەم پەیامی سیاسی بوو کە له‌لایەن کاک حەبیب ئەلیاسی خوێندرایەوە.
ئەمەش ناوی ئەو حیزب و لایەنانەیە کە بەوبۆنەیەوە پیام و بروسکەیان هەبوو.
١. په‌یامی هاوبه‌شی یه‌کیه‌تی ژنانی دیموکراتی کوردستانی ئێران، خویندکاران وکومیته‌ی پێشتیوانی له‌ دیموکراسی و مافی مرۆڤ لینشۆپینگ.
٢. په‌یامی حیزبی شیوعیی کوردستان لقی لینشۆپینگ.
په‌یامی حیزبی شیوعی عیراقی ٣.
٤. په‌یامی کۆمه‌له‌ی شۆڕشگێری زه‌حمه‌ت کێشانی کوردستانی ئێران لینشۆپینگ.
٥. پەیامی پارتی دیموکراتی کوردستان لقی لینشۆپینگ
٦. . پەیامی یەکیتی نیشتیمانی کوردستان لقی لینشۆپینگ
٧. بروسکەی کۆمه‌ڵه‌ی کولتوری کوردی لینشۆپینگ.
٨. پەیامی پارتی سەر بەستی کوردستان لینشۆپینگ
٩. په‌یامی بنه‌ماڵه‌ی شه‌هیدان له‌ لایه‌ن کاک کویسیە وه‌ خویندرایه‌وه‌.
پاشان نۆرە گەشتە بەڕێز کاک ئه‌حمه‌د کاکە مەمی بۆ پێشکەش کردنی باسەکەیان، بەڕێزیان تشکی خستەسەر دیاری کردنی ئه‌و ڕۆژه‌ وەک ڕۆژی شەهیدان و گرنگی 10ی خاکه‌لیوه‌ لە مێژوودا. له‌ به‌شیکی باسه‌که‌یدا ناوبراو وتی هیچکات گەلی کورد شەڕخواز نەبووە و ناشبێ، خەباتی گەلی کورد بۆ خەباتێکی ڕەوایە و هیچکات دەست لەو خەباتە هەڵناگرێت، زیاتر لە ٦ دەیەیە حیزبی دێمۆکرات لەو پێناوەدا خەبات دەکات و دەیان هەزار شەهیدی داوە و سەدان هەزاری دیکە لە ڕۆڵەکانی کورد ئامادەیە لەو پێناوەدا گیانی فیدای گەل و نیشتمان بکات.

له‌بەشێکی دیکەی ڕێوڕسمەکەدا چەندین پارچە شیعر لە لایەن بەرێزان کاک موقەدم خسرەوی، نیما نوری و خوشکە سبری ئەلیاسی خوێندرایەوە‌.

له‌ دواین به‌شی ڕیوڕه‌سمەکە‌دا شاخە گوڵی ڕێز و خۆشەویستی له‌لایه‌ن کاک ئەحمد مەحەمەدیان و کاک حاتم ئەلیاسی پێشکه‌ش به‌ بنه‌ماڵه‌ی شه‌هیدان و نوێنەری حیزب و ڕێکخراوه‌ سیاسی و کولتوریه‌کان کرا، دواتر وەک پێشانگایەک بەشداربووانی ڕیوڕه‌سمەکە‌ چاویان وینەی شەهیدان کەوت.

‌ حیزبی دێموکراتی کوردستانی ئێران ـ کومیته‌ی لینشۆپینگ
٢/٤/٢٠١١
....
...
رۆژی پێنجشه ممه ڕێکه وتی ٣١ـ٣ـ٢٠١١ کۆمیته ناوچه ی تورکوی حیزبی دێمۆکراتی کوردستانی ئێران له ووڵاتی فینله ند بۆ ڕێز گرتن له ڕۆژی ١٠ی خاکه لێوه ڕۆژی شه هیدانی کوردستان سه ردانی بنه ماڵه ی شه هیدانیان له و شاره دا کرد ـ
شانده که پێکهاتبوون له به ڕێزان کاک حاجی حسین پێشمه رگه ی دێرینی حیزب،کاک عه زیز ئه حمه دی جێگری ئه ندامی کۆمیته ی گشتی له فینله ند، کاک عادل ڕه مه زانی به رپرسی کۆمیته ناوچه ی تورکو و کاک خه لیل نه قشبه ندی ئه ندامی کۆمیته ناوچه ی تورکو ـ
شایه نی باسه له سه ردانه که دا وه کو ڕێزلێنان له بنه ماڵه ی سه ربه رزی شه هیدان وێنه یه کی ڕێبه رانی شه هید و ئا رمی حیزبی وه کو ڕێز و ته قدیر پێشکه ش به بنه ماڵه ی شه هیدان کرا و له به رانبه ردا بنه ماڵه ی شه هیدانیش سوپاس و پێزانینی خۆیان بۆ ئه م سه ردانه ده ربڕی ـ

له کۆتایدا هه موو لایه ک په یمانیان له گه ڵ شه هیداندا نوێ کرده وه و به ڵێنیان دا که درێژه ده ری ڕێگای ئه وان بن ـ

حیزبی دێمۆکراتی کوردستانی ئێران
کۆمیته ناوچه ی تورکو- فینله ند

................
رێ و رەسمی 10 ی خاکەلێوە ئیسکیلستونا

رۆژی شەممە، ٢/٤/٢٠١١، کاتژمێر ١ی دوانیوەڕۆ، کۆمیتەناوچەی حیزبی دیموکراتی کوردستانی ئێران لە شاری ئیسکیلستونای وڵاتی سوئید، رێ و رەسمێکی بە بۆنەی ١٠ ی خاکەلێوە، رۆژی شەهیدانی کوردستان لەو شارەدا پێکهێنا.
لەو یادەدا کە وێڕای بەشداری ئەندامان و لایەنگرانی حیزب، نوێنەرانی حیزبی شیوعی کوردستان و کلدە و ئاشوور و سریانی و رەوەندی کوردی ئەو شارە ئامادە بوون، سەرەتای بەرنامە بە دەقیقەیەک بێدەنگی بۆ رێزگرتن لە شەهیدانی رێگای رزگاری کوردستان لە لایەن کاک مەحموود کەریمی راگەیەندرا. پاشان پەیامی هاوبەشی یەکیەتییەکانی ژنان، لاوان و خوێندکارانی دیموکراتی کوردستانی ئێران لە لایەن کاک حەبیب بارامی یەوە خوێندرایەوە. ئەنجا داواکرا لە بەڕێز د. حوسێن خەلیقی بەو بۆنەیەوە بۆ بەشداران بدوێ. کاک دوکتور باسەکەی لە سێ تەوەردا پێشکەش کرد، ١. سەرەتای دەست پێکردنی چەوسانەوە لە نێوکۆمەڵگای مرۆڤایەتیدا. ٢. هەل و مەرجی کوردستان لە سەردەمی کۆماری کوردستان و کەسایەتی پێشەوا لەو سەردەمەدا. ٣. دەسکەوتەکانی نەتەوەی کورد دوای رووخانی کۆماری کوردستان.
دوای باسەکەی بەڕێز د. خەلیقی، نۆرە گەیشتە ئامادەبوان کە بە پرسیار و سەرنجی خۆیان بەشداری کۆڕەکەیان کرد. پاش وەڵامەکانی کاک دوکتور، کۆڕەکە لە کاتژمێر ٣ ی دوانیوەڕۆ کۆتایی هات.
حیزبی دیموکراتی کوردستانی ئێران -کۆمیتەی ئیسکیلستونا

.............
به‌ریۆه‌ چوونی ریۆه‌ره‌سمی شه‌ست و چواره‌مین سالیادی 10ی خاکه‌لێۆه‌ له‌ ۆلاتی سویس له‌ سه‌ر گلگۆی نه‌مڕان کاک ته‌ها عه‌تیقی و کاک ئه‌میر پاشاخانی.

دۆانیوه‌روی روژی شه‌ممه‌، ریکه‌وتی 2011.04.02ی زایینی کاتژمێر 13ی دۆانیوه‌رو له‌ سالۆنی پاۆیونی شاری بیل کۆمیته‌کانی حیزبی دیمۆکراتی کوردستانی ئیران و پارتی سوسیالیستی کوردستانی تورکیا له‌ ۆلاتی سویس به‌ پیی ریکه‌وتنیک یادی شه‌ست و چواره‌مین سالیادی 10ی خاکه‌ لیۆه‌یان به‌ به‌شداری ده‌یان کۆردی نیشتمان په‌روه‌ری دانیشتووی ۆلاتی ناۆبراو و نوینه‌رانی چه‌ند پارت و ریکخراوه‌ پیروز کرد.
له‌ سه‌ره‌تا ریوه‌ ره‌سمه‌که له‌ لایه‌ن به‌ریوه‌ به‌ری به‌رنامه‌ به‌ سروودی نه‌ته‌وایه‌تی * ئه‌ی ره‌قیب * و راگرتنی ده‌قیقه‌یه‌ک بێ ده‌نگی بۆ ریز گرتن له‌ یادی شه‌هیدانی سوور خه‌لاتی گه‌ل و نیشتمان به‌ تایبه‌ت شه‌هیدانی هه‌میشه‌ زیندوو پیشه‌وا قازی موحه‌مه‌د و هاۆرییانی ده‌ستی پێ کرد. به‌ دۆای ئه‌وه‌دا په‌یامی کومیته‌ی حیزبی دیمۆکراتی کۆردستانی ئیران له‌ سویس له‌ لایه‌ن به‌ریز هیۆا خوشنمه‌ک و په‌یامی پارتی سوسیالیستی کوردستانی تورکیا له‌ لایه‌ن رێزدار دوغان پیشکه‌ش کڕا. پاشان له‌ لایه‌ن به‌ریز به‌رپرسی کۆمیته‌ی گشتی حدکا له‌ سویس باسیک له‌ سه‌ر چوونیه‌تی ژیانی دوو هاۆری و هاۆسه‌نگه‌ری هه‌میشه‌ زیندووی حیزب کاک ته‌ها عه‌تیقی و کاک ئه‌میر پاشا خانی پیشکه‌شی به‌شداران کڕا و په‌یامی یه‌کیه‌تی لاۆان له‌ لایه‌ن شاهۆ مورادی به‌رپرسی کۆمیته‌ی کاتی یه‌کیه‌تی لاۆان له‌ سویس و په‌یامی کۆمه‌له‌ی شورشگێری زه‌حمه‌تکێشانی کۆردستانی ئیران له‌ لایه‌ن به‌ختیار عه‌لیاره‌وه‌ پیشکه‌ش کڕا، له‌ کۆتایی به‌شی یه‌که‌مدا سروودی ئه‌ی شه‌هیدان له‌ لایه‌ن هونه‌رمه‌ندی لاۆ سیروس ئیمامیه‌وه‌ پیشکه‌ش کڕا و له‌ به‌شیکی دیکه‌ی ریوه‌ره‌سمه‌که‌ به‌شداران به‌ هاۆرییه‌تی کۆمیته‌ی حدکا له‌م ۆلاته‌ سه‌ردانی گلگۆی نه‌مرانی هه‌میشه‌ زیندوو کاک ته‌ها عه‌تیقی و کاک ئه‌میر پاشاخانی کڕد و به‌ دانانی چه‌پکه‌ گۆل له‌ سه‌ر گلگۆیان رێزی خۆیان له‌ ریباز ۆ نۆی کردنه‌وه‌ی په‌یمان بۆ دریژه‌ پیدانی ریگای پڕ له‌ شانازی ئه‌و دوو هاۆرییه‌ و هه‌موو شه‌هیدانی گه‌ل نیشان دا و له‌ لایه‌ن به‌رپرسی کۆمیته‌ی حدکا و بنه‌ماله‌ی به‌ریزی هه‌ر دوولا سۆپاسی به‌شدار بوونی به‌شداران کڕا و به‌م شیۆه ریوه‌ ره‌سمه‌که‌ له‌ کاتژمیر 15.00 کۆتایی پێ هات.

کۆمیته‌ی حدکا له‌ ولاتی سویس، به‌شی راگه‌یاندن 2011.04.02ی زایینی‌
‏‌...

بەڕێوەچوونی ڕێ‌ورەسمی ١٠ی خاکەلێوە لە هەرێمی ئوریبرو
کۆمیتەی حدکا

لە شاری ئوریبرۆ رۆژی ٢ی ئاوریلی ٢٠١١ ی زاینی کاتژمێر ١١ی پێشنیوەڕۆ بەمەبەستی ڕێزگرتن لە ١٠ی خاکەلێوە رۆژی شەهیدانی کوردستان، کۆڕیادێکی پڕشکۆی بەڕێوە برد. ئەو کۆڕیادە دا کە خەڵکێکی بەرچاو لە دانیشتوانی هەرێمی ئوریبرو تێیدا بەشدار بوون، بەو شێوەیە بەڕێوە چوو:
سەرەتا بەڕێوەبەری کۆڕیادەکە بە نوێنەرایەتی کۆمیتەی حیزب لەو شارە بە خێرهاتنێکی گەرمیی بەشدارانی کۆڕیادەکەی کرد و پاشان بە پێشکەش کردنی سروودی ئەی شەهیدان کە لە لایەن چەند لاوێکی بەهەستەوە ئامادە کرابوو، کۆڕیادەکە دەستی پێکرد.
سەرەتا پەیامی کۆمیتەی حیزب لە لایەن بەرپرسی کۆمیتە بەڕێز کاک محێ‌دین خەشمانی خوێندرایەوە و ئەو جار لاوی بەهەست شنۆ سەحرایی پەخشانێکی پر لە هەستی پێشکەش کرد. بەدوای ئەودا برووسکەی هاودەردی پارت و ڕێکخراوەکانی کوردستان کە بۆ ئەو بۆنەیە ناردرابوون، خوێندرایەوە . دوایین برگەی کۆڕیادەکە بۆ بەڕێز کاک عەبدوڵا حیجاب تەرخان کرابوو کە بەڕێزیان باسێکی پڕ نێوەرۆکی لەو پێوەندی‌یەدا پێشکەش کرد .
شایانی ئاماژەیە کە لوکاڵی بەڕێوەچوونی کۆڕیادەکە بە وێنەی شەهیدانی سەربەرزی گەلەکەمان بە شێوەیەکی زۆر سەرنجراکێش رازابووە.
کۆمیتەی حیزبی دێمۆکراتی کوردستانی ئێران / شاری ئوریبرو.

.......................

بۆ رێزلێنان له‌ 10ی خاکه‌لێوه رۆژی شه‌هیدانی کوردستان
‌ حیزبی دێمۆکراتی کوردستانی ئێران ــ کومیته‌ی ڤێسترۆس مه‌راسیمێکی پێکهێنا

رۆژی‌ شه‌ممه‌ رێكه‌وتی 2011/4/2 ، حیزبی دێمۆكراتی كوردستانی‌ ئێران- كومیته‌ی‌ ڤێسترۆس، بۆ به‌رز راگرتنی یادی 10ی‌ خاكه‌لێوه‌، رۆژی‌ له‌ سێداره‌دانی پێشه‌وای‌ نه‌مر قازی محه‌مه‌د و رۆژی‌ شه‌هیدانی كوردستان كۆڕیادێكی پێكهێنا، كه‌ تێیدا ژماره‌یه‌كی به‌رچاو له‌ ئه‌ندامان و لایه‌نگرانی حیزب و بنه‌ماڵه‌ی‌ سه‌ربه‌رزی شه‌هیدان و نوێنه‌ری‌ حیزب و رێكخراوه‌ كوردییه‌كان به‌شدار بوون.
سه‌ره‌تا به‌ڕێز "ئاره‌زوو حیسامی" به‌ڕێوه‌به‌ری مه‌راسیم وێڕای به‌خێرهێنانی‌ ئاماده‌بووان به‌رنامه‌ی‌ مه‌راسیمه‌كه‌ی خسته‌ڕوو.
مه‌راسیمه‌كه‌ به‌ سروودی ئه‌ی‌ ره‌قیب و یه‌ك ده‌قه‌ بێده‌نگی بۆ گیانی پاكی شه‌هیدان ده‌ستیپێكرد. پاشان "كاك شاهۆ ئیبراهیمی" په‌خشانێكی تایبه‌ت به‌م بۆنه‌یه‌ی به‌ ناونیشانی‌ "یادتان ده‌كه‌م" پێشكه‌ش كرد. دواتر به‌ڕێز "كاك تاهیر عه‌لیار"، ئه‌ندامی پێشووی كومیته‌ی‌ ناوه‌ندی حیزبی دێمۆكراتی‌ كوردستانی‌ ئێران و رووناكبیر و نووسه‌ر، باسێكی سه‌باره‌ت به‌ هه‌لومه‌رجه‌ سیاسی و نێونه‌ته‌وه‌ییه‌كانی‌ پێكهاتنی كۆماری‌ كوردستان و هۆكاره‌ بنه‌ڕه‌تییه‌كانی‌ رووخانی كۆمار پێشكه‌ش كرد. دوابه‌دوای‌ ئه‌وه‌ به‌ڕێز "مه‌لا محه‌مه‌د به‌گ زاده‌" دوو پارچه‌ شێعری ئاراسته‌ی‌ ئاماده‌بووان كرد. به‌شێكی دیكه‌ی‌ مه‌راسیمه‌كه‌ باسێكی به‌ڕێز "كاك حه‌مه‌ عه‌لی عینایه‌تی" چالاكی سیاسی و ئه‌ندامی پێشووی كومیته‌ی‌ ناوه‌ندی حیزبی دیمۆكراتی كوردستانی‌ ئێرانی‌ له‌ خۆ گرتبوو كه‌ تێیدا تیشكی خسته‌ سه‌ر كۆماری‌ كوردستان و كه‌سایه‌تی به‌رزی پێشه‌وا قازی محه‌مه‌د و هه‌روه‌ها هه‌لومه‌رج و پێشهاته‌كانی‌ ئێستای‌ رۆژهه‌ڵاتی ناوه‌ڕاست و وڵاتانی باکووری ئافریقا.
له‌ به‌شێكی دیكه‌ی‌ مه‌راسیمه‌كه‌دا یادی پێشمه‌رگه‌ی‌ تازه‌ شه‌هیدبوو "خاڵه‌ حه‌مه‌ عه‌لیاوا‌یی" به‌رز راگیرا، بۆ ئه‌م مه‌به‌سته‌ش به‌ڕێز "كاك حه‌مه‌ئه‌مین كه‌ریمیان" وێرای ده‌ربڕینی سه‌ره‌خۆشی و هاوخه‌می خۆی بۆ بنه‌ماڵه‌ی‌ شه‌هید، باسێكی سه‌باره‌ت به‌ خه‌بات و تێكۆشانی‌ خوالێخۆشبوو ئاراسته‌ی‌ ئاماده‌بووان كرد. هه‌ر له‌م په‌یوه‌ندییه‌دا به‌ڕێز "كاك فه‌ره‌یدوون حوسێنی" به‌ په‌یڤێك سه‌باره‌ت به‌ كه‌سایه‌تیی شۆڕشگێڕ و خه‌باتكاری‌ "شه‌هید خاڵه‌ حه‌مه‌" یادی شه‌هیدی به‌رز راگرت. مه‌راسیمه‌كه‌ به‌ په‌خشانێكی به‌ڕێز "ئاره‌زوو حیسامی" تایبه‌ت به‌ 10ی‌ خاكه‌لێوه‌، رۆژی‌ شه‌هیدانی كوردستان، و هه‌روه‌ها سروودی ئه‌ی‌ شه‌هیدان كۆتایی پێهات.

ئه‌م حیزب و رێكخراوه‌ به‌ڕێزانه‌ش به‌ په‌یام به‌شداری‌ بۆنه‌كه‌یان كرد:

- یه‌كێتیه‌كانی‌ ژنان و لاوان و خوێندكارانی دێمۆكراتی كوردستانی‌ ئێران
- یه‌كێتی كوردان له‌ شاری ڤێسترۆس
- پارتی دیموكراتی كوردستان- رێكخراوی ڤێستمانلاند
- رێكخستنی یه‌كێتی نیشتمانی كوردستان له‌ شاری‌ ڤێسترۆس
- كۆمه‌ڵه‌ی‌ پێشمه‌رگه‌ دێرینه‌كان له‌ شاری‌ ڤێسترۆس

................

RSS

چاپ کردن/Print




 
     
  هه‌موو مافه‌کانی ئه‌م ماڵپه‌ڕه‌ پارێزراوه‌