ماڵه‌وه‌
په‌یوه‌ندی
ناردنی بابه‌ت
لینک
پێناسه‌
بیره‌وه‌ری
ڕێبه‌ران
کۆنگره‌
ئاگاداریه‌کان
ئه‌رشیفی هه‌واڵ
ئه‌رشیفی بابه‌ت
وێنه‌
سروود
فیلم
هۆنراوه‌
ده‌فته‌ری میوانان
تیرۆر
ترور و جنایت
فارسی
English
Svenska
کتێبه‌کان
‌ساڵه‌‌ نه‌ڵۆسی
وه‌رگێڕ
رادیۆ
جوێ بوونه‌وه‌
 

ئاگاداریه‌کان

Date: 1 Jul 2010 / Views: 1825 / Comments: 25 فەقێ، هەر فەقێ یە!لە وەڵامی محەممەدی فەقێ عەلی دا" ئاکۆ ئەلیاسی "

چەند ڕۆژێک لەمەوبەر، بابەتێک لە ژێر سەردێڕی : " بۆ ڕاست لە کاتی پەردەلادان لە مۆنومێنتی دوکتۆر قاسملو، حدکا خۆپیشاندان دەکات" بە قەڵەمی کەسێک بە ناوی " محەممەدی فەقێ عەلی" دا لە ماڵپەڕی (ڕۆژ هەڵات تایمس ـ دەمڕاستی جەماعەتی کاک حەسەنی ڕەستگار" بڵاو کرایەوە.
بەڕای من، نووسینی ئەو بابەتە چەواشەکارانە یە، بەر لە هەمووشتێک، بێجگە لە سەر لێشیوان دنی هێندێک خوێنەری ساویلکە و دڵسارد کردنەوەی بەڕێز کاک عەتا نەسیری، لەسەر بڕیار و زەحمەتەکانی، هیچ مەبەستێکی دیکەی تێدا نەبوو. ئەو شێوە پڕوپاگەندە دوور لە لۆژیکی یەی هاوڕێیانی پێشووی دابڕاو لە حیزبی دایک، واتا حیزبی دێمۆکراتی کوردستانی ئێران، دیاردەیەکی نوێ نیە و ئەو جۆرە هەڵس و کەتانە، تەنیا لەو کەسانە وەشاونەتەوە و دەوەشێنەوە، کە زۆر چاک لەو حاڵین، لەگەڵ ویژدانی خۆیان، لە گێرە و کێشە و دەستەوملانێ دان!
دیارە کاک محەممەدی فەقێ عەلی، بەڕاستی زۆر فەقێیانه‌ بۆ بابەتەکە ڕۆیشتووە و سەرنجی وردی لەو ڕاگەیەندراوە کە بۆ بەشداری لە ڕێوڕەسمی پەردە لادان لەسەر مۆنومێنتی شەهیدی گەورەی گەلی کورد، دوکتۆر قاسملووی نەمر لە ڤییەنی پێتەختی وڵاتی ئۆتریش بەڕێوە دەچێ، نەداوە. سەرەڕای ئەوەی کە لە ڕێنووس و شێوەی نووسینی کاک فەقێ، هەڵەی زۆر زەق و زل بەرچاو دەکەون، بەڵام بە چاوپۆشی لەو هەڵە پڕ لە پەڵانەی، کاک فەقێ، ئەو چەند خاڵەی خوارەوەی، بۆ وەرگرتنەوەی بە ناو نووسینەکەی، دەخەمە بەر چاو کە بریتین لە :

یەکەم: با بۆ کاک فەقێ و هەموو کەسێک ئەو ڕاستیی یە، ئاشکرا بێ کە شەهیدی نەمر کاک دوکتۆر قاسملوو ڕیبەرێکی بە توانای ئەوتۆ بوو کە موڵکی هەمووی گەلی کورد و لە سەروی هەموویشەوە، سکرتێری گشتیی حیزبی دێمۆکراتی کورستانی ئێرانە، بێ کەم و زیاد. بە دڵنیایی یەوە، مێژووش هەر ئاوەها ناوی ئەو ڕێبەرە بلیمەت و کەم وێنەیە لە دوو توێی لاپەڕەکانی خۆی تۆمار دەکات.
دووهەم: دوکتۆر قاسملوو، وەک وەک ڕیبەر و سەرکردەیەکی مودێڕن، نوێ هێنەر، لێهاتوو، ڕێنوێن، هەردەم لە بیری یەکییه‌تیی ڕیزەکانی تەشکیلاتیی حیزبی دێمۆکراتی کوردستانی ئێران بوو، جا ئەوانەی کە بە قەولی خۆیان، خۆیان بە قوتابی ٣٠ ساڵەی ئەو شەهیدە سەربەرزە دەزانن، بە جیابوونەوە لە ڕیزەکانی حیزبی دێمۆکراتی کوردستانی ئێران، ئەویش تەنیا لەبەر خاتری کورسی و دەسەڵات، بە وتەی خۆیان " حیزبیان دوو لەت کرد!" ئەوانە خەیانەتیان بە ئارەوزوو و ویستەکانی دوکتۆری نەمر کرد!
سێهەم: لە مێژووی خەباتی ڕزگاریخوازانەی گەلی کورد لە کوردستانی ئێران، دوکتۆر قاسملوو بە سکرتێری گشتیی حیزبی دێمۆکراتی کوردستانی ئێران ، ناو دێڕ دەکردرێت، نەک بە ناوێکی دیکەوە، وەک ئەوانەی کە ئێستا، وێنەی ئەو ڕێبەرە مەزنە لە ژوور سەری خۆیانەوە هەڵ دەواسن و ئەوانەیش کە هەردەم لەگەڵ بیر و ڕێبازی قاسملوو، دژایەتییان دەکرد و دژ بەر بوون، ئێستا دەیانەوێت، لە ژێر سێبەری وێنەوی ئەو سەرکردە دەگمەنە و بە ناوی ئەو ڕێبەرە هەڵکەوتووە ، سەرەڕای خەیانەت بە ڕێبازی ئەو و لادان لە ڕێبای ئەو، خۆیان بە نەتەوەی دوکتۆر قاسملوو بناسێنن. ( مێژوو قەت ئەو ئاکارە نا شۆڕشگێرانەیە لە بیر ناکات، کاتێک کە قوتابی یە ٣٠ ساڵەکەی دوکتۆر قاسملوو، لە ژێر زەختی مام جەلال و ڕێژیمی کۆماری ئیسلامیی ئێران، لە یەکێک لە پلینۆمەکانی سەردەمی سکتێرێتی خۆیدا، دەیهەویست بە وەرگرتنی بڕیارێکی نامەشرووعی ئەو پلینۆمە، وێنەی دوکتۆر قاسملوو و دوکتۆر سەعیدی نرمر لە بنکە و بارگاکانی حیزبی دێمۆکراتی کوردستانی ئێران دا بۆ هەمیشە لابەرێ)!!
چوارەم: ئەو کەسانەی کە پاش کۆنگرەی ١٣هەمی حیزبەکەی قاسملوو، واتا حیزبی دێمۆکراتی کورستانی ئێران جوێ بوونەوە و ویست ئارەوزووی دوکتۆری نەمریی یان شکاند، چۆپی کێشەکانی ئەو ڕشبەڵەکە ناموبارەکە، هەر ئەو کەسانە بوون، کە دوکتۆری نەمریان بە دیکتاتۆر و سەڕەڕۆ لە قەڵەم دەدا و سکرتێرەکەی ئێستاشیان، ئەندامی پێشووی کۆمەڵە و هەر ئەو زاتەیە کە کاتی خۆی لە حیزب دابڕا، بە دەر کردنی ڕاگەیاندراوێک، دوکتۆری نەمریی، بە دیکتاتۆر ناو دەبرد!
پێنجەم: ئەو ڕاگەیاندراوەی کە جەنابت، وتارت لە سەر نووسیوە، لە هیچ کام لە سەرچاوە فەرمیی یەکانی حیزبی دێمۆکراتی کوردستانی ئێران بڵاو نەبۆتەوە و هەڵوێسی فەرمیی حیزبی دێمۆکراتی کوردستانی ئێرانیش نەبووە، چوونکە هەتا ئیمزا یان واژووی کۆمیتەی حیزبی دێمۆکراتی کوردستانی ئێرانیی لە وڵاتی سویسی لە بنەوە نی یە! هەتا تەشکیلاتیی دەرەوەی وڵاتی حیزبی دێمۆکراتی کوردستانی ئێرانیش، شتێکی لەو بابەتە بە شێوەی فەرمیی بڵاو نە کردۆتەوە.
شەشەم: بەڕێز کاک عەتا نەسیری، وەک قوتابی و یارێکی بە وەفای دوکتۆر قاسملووی نەمر ئەو زەحمەتەی کێشاوە، کە دیارە ئەو ئەرکێتی و پێشم وایە کە منەت بەسەر حیزبی دێمۆکراتیشەوە ناکات، چوونکە وەک باسم کرد، ئەو بەڕێزە، ئەو هەنگاوەی بە ئەرکێکی مێژوویی خۆی، وەک قوتابی یەکەی بە وەفا زانیووە.
دیارە ئەگەر پێویستی کرد، من وردە کاریی زیاتری ئەو ڕاگەیاندراوە بێ واژۆیەم لە لایە.
بەڵام با کاک محەممەدی فە‌قێ عەلی و سەرجەم فەقێکانی دیکە، ئەو ڕاستی یە باش بزانن، کە بەو چەواشەکاریی یەیان، هەرگیز ناتوانن بە ئامانج و ویستە چەوتەکانیان بگەن!

RSS

چاپ کردن/Print


25. سیاوه‌ش | 10 Jul 2010 - 00:40

سڵاو له‌ هه‌موان ، برای به‌ڕێز کاک سیامه‌ند من تۆ ناناسم، کاک محه‌ممه‌د و کاک ئاکۆ ش ناناسم ، به‌ڵام تۆ له‌ مه‌به‌ستی من باش حاڵی نه‌بوویت، من شێوازی نووسینی کاک ئاکۆ له‌ هیچ بوارێکدا په‌سه‌ند ناکه‌م ، بۆیه‌ش نووسیومه‌(تاقه‌دار کاک ئاکۆ ده‌کڕێته‌وه‌ ) ، مه‌به‌ستم ئه‌وه‌یه‌ که‌ سه‌د خۆزگه‌ به‌ کاک ئاکۆ تا کوونێ تاقه‌دار . من له‌ ڕاستی دا زۆر به‌داخم له‌و شێوازه‌ نووسینانه‌ و هیوادارم ئه‌و جار مه‌به‌ستی خۆم گه‌یاندبێت. داوا له‌ به‌ڕێوه‌به‌رانی به‌ڕێزی سایته‌که‌ ده‌که‌م که‌ بۆم دابه‌زێنن. سیاوه‌ش
24. | 9 Jul 2010 - 07:57

سڵاو کاک سیاوه‌ش، نازانم محه‌مه‌د فه‌قێ عه‌لی چه‌ند کلاس سه‌وادی هه‌یه، به‌ڵام خوا هه‌ڵناگرێ به‌ته‌نێ له به‌ نێو دوکتوراکانی ئێوه له ئوتریش فه‌عالتره. کاکه واز بێنن، به‌س سوکایه‌تی به‌ خه‌لک بکه‌ن . وه‌لاهی زه‌ره‌مه‌ندی ئه‌وه‌ل و ئاخری ئه‌و ئه‌ده‌بیاته بۆخۆتانن،

.......
23. | 8 Jul 2010 - 21:33

کاکی تاقه دار من هه رچه ند نه تۆ ده ناسم نه کاک مه حه ممه د به ڵام به خوێند نه وه ی بۆچوونه که ی جه نابت و بابه ته که ی کاک مه حه ممه د باسه وادی تۆ و بێسه وادی کاک مه حه ممه د وه ک ڕۆژی ڕوون دیار ه خۆزگه ئه و زانکۆیه ی که تۆی تێدا باسه واد و په روه رده کراوی هه ر ده رگای به ستراو بێ و ئه و حوجره یه ی کاک مه حه ممه دیش ئه و سێ که لاسه ده رسه ی لێخوێندوه هه ر ئاوه دان بێ.

............
22. سیاوه‌ش | 7 Jul 2010 - 18:15

ئاگاداری بۆ خوێنه‌رانی به‌ڕێز ! تاقه‌دار کاک ئاکۆ ده‌کڕێته‌وه‌!
21. | 5 Jul 2010 - 23:19

وێرای رێزو سلاو بؤهه‌مو تێکؤشه‌رێکی کورد

با که‌مێک له‌‌ ژیانی کاک محه‌ مه‌د عبدالله‌ پور (محه‌مه‌د کوری فه‌قێ عه‌لی) بؤتان بدوێم.

کورته‌یه‌ک له‌ ژیانی کاک محه‌مه‌د

کاک محه‌مه‌د کوری فه‌قێ عه‌لی کابرایه‌کی زه‌حمه‌تکێشی دانیشتو و کؤچ کردوی گوندێکی سه‌ر سنوری عێراقه‌ که‌ وێرای ورده‌واڵه‌ فرێشێ (جه‌رچێتی) خه‌ریکئ فه‌قێ یه‌تیش بو به‌داخه‌وه‌ توانی ته‌نیا هه‌تا کلاسی سێهه‌می سه‌ره‌تایی به‌ کوڕه‌ گه‌وره‌که‌ی بخؤنێ.پاش مردنی دایکی له‌به‌ر ده‌ست کورتی و هه‌ ژاری له‌گه‌ل فه‌قێ عه‌لی باوکی روویان کرده‌ کاری کؤڵ کێشان له‌سه‌ر سنور . وابو که کاک م‌ له‌ کاری کؤڵ کێشان بێزار ده‌بێتو روو له‌ پێشمه‌رگایه‌تی ده‌کاوپاش ماوه‌یه‌ک خودا روحم ده‌کات و کاک م لا`قێکی ده‌په‌رێ ده‌بێته‌ هؤی حه‌سانه‌وه‌و هاتنی کاک م بؤ ئوروپا هه‌تا تاقمئ مه‌لاکان (مه‌لا حه‌سه‌ن و مه‌لا حه‌وڵا ) بؤخچه‌کانئان تێک نه‌نابو کاک م که‌ له‌ وڵاتی ئؤترئش ده‌ژیا به‌هؤی نه‌خؤێنده‌وارێوه‌( بێسه‌وادی) هیچ جؤره‌ به‌رپرسیارییه‌تێکی حیزبی و ته‌شکیلاتی پێ نه‌درا دێاره‌ بؤ ئه‌و مه‌به‌سته‌ حه‌ولێکی زؤری دا هیچی به‌ هیچ نه‌کرد جارێکی دیکه‌ به‌ دوحححححای فه‌قێیانه‌ خوداروحمی پێکرد و ئاژاوه‌ ی تازه‌گه‌ری له ناو حیزب ساز بو ( کورد ده‌ڵێ.. ئه‌گه‌ر دێ(گوند ) مه‌لای نه‌بێ به‌ که‌ڵه‌باب ده‌ڵێن بڵ قاسم ) ئێستاش روونه‌ که‌ کاک محه‌مه‌د له‌ سه‌رتاسه‌ری وڵاتی ئوتریش له‌ ته‌واوی ئه‌ندامان و لایه‌ن گران و دؤستانی تاقمه‌که‌یان سێ کلاس خؤینده‌واری زیاتره ( دیاره‌ ته‌نیا سێ کلاسی ده‌رس خوێندوه‌ ) باشه‌ دؤستان بزانن که‌ سه‌رجه‌میان د یسان هه‌ر سێ نه‌فه‌رن ئیستا کاک محه‌مه‌د
ته‌واوی ده‌سه‌ڵاتی حیزبه‌که‌یانی ده‌به‌ر ده‌ست دایه‌ ته‌نانه‌ت ده‌توانێ له‌گه‌ڵ به‌حسێکانی دانیشتوی ئوتریشیش دانیشێ بۆ سه‌لماندنی ئه‌و بابه‌ته‌ برواننه‌ لاپه‌ره‌ی
PDK Media ..کؤمیتاکان ..ئؤتریش راپؤرتی رێکه‌وتی15.6. 2010.


20. | 4 Jul 2010 - 13:09

پێشه‌کی، سپاس بۆ سایتی پێشمه‌رگه‌کان که‌بۆچوونه‌کان وه‌ک خۆی بڵاو ده‌کاته‌وه‌. کاک ئاکۆ ئه‌گه‌ر سکرتێری ئیستای حدک پێشو کۆمه‌له‌ بووه‌. له‌ بیرت نه‌چێت که‌ د. قاسملو پێشوو توودوی بووه‌. .کاک مسته‌فای هیجریش له‌ شاری نه‌غه‌ده‌ پێشتر ئه‌ندامی جه‌معییه‌تی سه‌ر به‌ کۆمه‌ڵه‌ بووه‌.
کاک ئاکۆ تۆ له‌ ئوروپای متمدن ده‌ژی . حیزب گۆڕین له‌ سیاسه‌تدا زۆر ئاساییه نیشانه‌ی بیرکردنه‌وه‌ و شه‌هامه‌ته‌.‌. به‌ڵام جنێو و ته‌وهین کردن نائاساێ و دوور له‌ شاره‌ستانییته‌.

.........
19. | 4 Jul 2010 - 12:57

به‌ داخه‌وه‌ هه‌ر ئه‌و جۆره‌ رق و کینه‌یه‌ بوو که‌ دیموکراتی تووشی ئینشعاب و له‌تبوون کرد.
ئه‌ندامانی هه‌ر دوو به‌شی دیموکرات شه‌هامه‌تتان هه‌بێ ئیجازه‌ به‌و جۆره‌ شه‌ره‌ گه‌ره‌که‌ی که‌ کاک ئاکو ده‌ی هه‌وێ ئاشه‌که‌ی پێ بگێرێ مه‌ده‌ن. به‌و جۆره‌ قسه‌ و ئه‌ده‌بیاته‌ قورتان به‌ سه‌ر دیموکرات کرد وێرانتان کرد. هیوادرم جه‌مهوری ئیسلای به‌و زوانه‌ نه‌ڕوخێت و کوردستانی ئێران نه‌که‌وێته‌ ده‌ستی ئه‌و جۆره‌ عه‌قڵییته‌.

......
18. | 3 Jul 2010 - 10:03

محه‌مه‌دی فه‌قێ عه‌لی به قه‌د ته‌واوی رابردوو و ئه‌ندێشه‌ی به‌نرخ و بابه‌ته جوانه‌کانی عادڵ ئه‌لیاسی پریشکی گوولله‌ی دوژمنی له جه‌سته‌دایه. ئه‌و له‌شه‌ به حیساب ساغه‌ی عادل بۆ بێڕێزی به کاری ده‌با محه‌ممه‌دی فه‌قێ عه‌لی به یه‌ک لاقه‌وه و به که‌مئه‌ندامییه‌وه له خزمه‌ت نه‌ته‌وه‌که‌یدایه. ته‌نانه‌ت ئه‌گه‌ر محه‌ممه‌د فه‌قێ عه‌لی ته‌فسیرێکی ناره‌واشی له بانگه‌وازه‌که‌ی حدکا کردبێ که پێم وا نیه وا بێ، به‌ڵام واش تاقه بێ رێزییه‌ک له نوسینه‌که‌ی دا نه‌بوو. ئه‌گه‌ر حیزبایه‌تی بوو به وه‌سیله‌ی عوقده‌ خاڵی کردنی نه‌خۆشییه ..... ئیدی تامی نیه.

..........
17. فه‌رشید | 3 Jul 2010 - 07:14

کاک ئاکۆده‌ستت خۆش. به‌س نه‌ ده‌بوا وه‌ڵامت داباوه‌. به ‌قه‌ولی فارسه‌کان ده‌ڵێن: جواب ...... خاموشی است.

.........
16. | 3 Jul 2010 - 00:55

به‌ڕێز کاک ئاکۆ سڵاو ماندوو نه‌بی من نام هه‌وێ نه‌کاتی خۆم به‌وشتانه‌وه‌ سه‌رف که‌م و نه‌کاتی خوێنه‌ریش بگرم منیش ده‌نگی خۆم ده‌خه‌مه‌ پاڵ ده‌نگی کاک ئه‌حمه‌د شێربه‌گی و کاک عەبدوللا حیجاب . ته‌نیا ئه‌وه‌نده‌ ده‌ڵێم برای به‌ڕێزم باوه‌ر که ‌نه‌ ک‌ روحی شه‌هیده‌کان شادناکه‌ن به‌ڵکو ئازاریشیان ده‌ده‌ن. من تازه‌هاتبوم بۆسوید له‌مه‌دره‌سه ی ‌ زمانی سویدی بوین کابرایه‌کمان له‌گه‌ل بو عه‌ره‌ب به‌درێژای ڕۆژ له‌سه‌ر که‌لاس دسبێحی ده‌گێڕان رؤژێک ماۆستاکه‌مان که‌ژنێکی سویدی بو لێی پرسی و پێی وت ئه‌رێ کاکه‌ تۆبه‌درێژای ڕۆژ له‌باتی دوو که‌لیمه‌ فێربی ده‌سبێح ده‌گێڕی که‌س هه‌یه‌ پاره‌یه‌کت بداتێ که‌ ئه‌وکاره‌ی بۆده‌که‌ی کابرا دسبێحی له‌گرفانێ نانه‌وه‌و خودا وه‌ت حه‌سێنێ ده‌ری نه‌هێنانه‌وه‌ ، به‌ڵام منیش له‌ئیوه‌ده‌پسم؟ ئه‌رێ بڵێی که‌سانێک هه‌بن کۆمه‌گی ئێه‌وه‌ بکه‌ن و دست خۆشیتان پێبڵێن کاروبۆته‌ جوابدانه‌وه‌ی یه‌کتر و دووکتو قاسملوی نه‌رتان کردوه‌به‌میراتی خۆتان وکه‌سیدی بۆینه‌ باسی بکات تکایه‌ بیکه‌ن به‌خاتری خوێنی شه‌هیده‌کان به‌سه‌ حیزبایه‌تی مه‌که‌ن کوردایه‌تی بکه‌ن.

..........
15. | 2 Jul 2010 - 21:25

سڵاو خوینه‌رانی به‌ڕێز و هێژا !
کاک ئاکو ئه‌لیاسی ، کاکی برا '' گر نازانـــــــــــــــــــی بنووســــــــــــــــــــی ، خــــــــــــــــــــــــو ده‌زانـــــــــــــــــــــــی نه‌نووســـــی !'' بڕاستی جێگایی داخه‌ وه‌ها شیوه‌ نووسێنیک له‌ که‌سێک که‌ خۆی به‌ ئه‌ندامی حدکا و ریبواری شه‌هیدانی رێبه‌ر دزانی ! تازه‌ به‌ڕێزیان هه‌ر له‌ سه‌ره‌تایی نووسراوه‌کی دا هه‌ر نووسه‌ری نه‌داوته‌ به‌ر رخنه‌ی ناڕه‌وا و دوژمه‌نکارانه‌ به‌داخه‌وه‌ خوێنه‌رێشی به‌ ساویلکه‌ و نزان و .... تاوانبار کردوه‌ ! بڕاستی جێگایی داخه‌ له‌ کاتێک دا به‌روه‌ یادی شه‌هید بوونی د- قاسملوو نێزیک دبینه‌وه‌ وه‌ها نووسراوه‌یک که‌ نووسه‌ره‌کی خۆی به‌ قوتابی ئه‌م شه‌هیده‌ ده‌زانی ! بڕاستی دسته‌ی به‌ڕیوه‌ به‌ری سایتی پێشمرگه‌کان زه‌حمه‌تی جارێک خوویندنه‌وه‌یان به‌ خۆیان دابوو که‌ بزانن ئه‌م بابه‌ته‌ یا به‌ ناۆ بابه‌ته‌ شیاوی بلاو کردنه‌وه‌ی نێه‌ !؟ که‌س هه‌یه‌ له‌ خوێنه‌ران داوای لێ بووردن بکا له‌ ئاستی ئه‌م جنێو نامه‌ی به‌ڕێز ئاکو ئه‌لیاسی و هه‌مو ئاکوکان !؟ زیاتر له‌ سه‌ری ناروم ده‌نگی رخنه‌ی توندی خۆم له‌ پاڵ دنگی هاوریان کاک عه‌بدولا حیجاب ، کاک ئه‌حمه‌د شیربگی و دلشاد جمشیدی و ..... داده‌نیم و بێزاری هه‌رچی زیاتری خۆم له‌م شیوه‌ نووسین و هێرش کردنه‌ ناڕه‌وایانه‌ به‌ قازانجی به‌رژه‌وندی ته‌سکی حیزبی و جناحی و پاوانخوازی و دوبه‌ره‌کی ده‌رده‌بڕم . له‌ گه‌ڵ ڕێزم بۆ هه‌موو ڵاێک ،

براتان بیژن قاره‌مانی سوئد

...........
14. ڕێباز | 2 Jul 2010 - 17:45

سڵاو
کاک ئاکوی به‌ڕێز ئه‌م کاته‌ت باش،
هه‌رچه‌ند زۆر جار که‌سانێکی وه‌ک محه‌مه‌دی فه‌قی عه‌لی شتی وا ده‌نووسن، که مرۆڤ خوی پێڕاناگیرێت، به‌ تایبه‌ت ئه‌گه‌ر که‌سایه‌تی محه‌مه‌ده‌کان له نزیکه‌وه بناسێت. به‌ڵام له‌ گه‌ڵ ئه‌وه‌ش من پێم وایه نابێت به‌ زمانی ئه‌وان وڵامیان بدرێته‌وه. من محه‌مه‌د زۆر له نزیکه‌وه‌ ده‌ناسم و که نووسراوه‌ بێناوه‌رۆک و پڕ له بوختانه‌که‌شم خوێنده‌وه، ویستم شتێکی له سه‌ر بنووسم، به‌ڵام پاشان بیرم لێکرده‌وه، زۆر حه‌یفه مرۆڤ خوی بێنێته ئاستی محه‌مه‌د و چاکتره ئێمه به‌ڕه‌وشت بین و خو له ئاکاری وا نزم بپارێزین.

هه‌ر بژیت
13. | 2 Jul 2010 - 17:34

وه ک له ؛ منطق؛ دا ده ڵێن هه موو مرۆڤێک ده توانێت سیاسی بیت،به ڵام خۆ هه موو سیاسی یه ک ،شۆڕشگێر نیه، هه ر سیاسیه یه ک خاوه ن ئه خلاق ومه نشی شۆڕشگیرانه نیه .وه ک کاک عه بولا حیجاب نوسیویه تی ،به سه،له ئه و چه شنه ئه دبیاته قیزه ونه ،
سپاس
کامران،ر
سویس
12. | 2 Jul 2010 - 17:10

سڵاو له‌ هه‌موو ئه‌ندامانی ڕاسته‌قینه‌ی حیزبی دێموکڕات، کاک ئاکۆ خوزگه‌ به‌ هۆی زمان پاراوی وڵامه‌که‌ت خۆت به‌ میاندواوی ناساندبا !!!!!!،
11. | 2 Jul 2010 - 13:49

برای بەرێز کاک ئاکۆ.سڵاو و ماندوو نەبی.

بەرە بەرە لە رۆژی 17 ی ژووییە .رۆژی پەردە لادان لە مۆنومێنتی رێبەری هەمیشە زیندووی گەڵ دوکتور قاسملووی زانا نیزیک دەبینەوە.رۆژێک کە لە سەر هەر تاکێکی کوردە، ئەرکی نیشتمانی و مرۆقایەتی خۆی بەرامبەر بەو زاتە گەورەیە بە جێ بگەیەنێ و بە بەشداری چالاکانەی رۆحی بەرزەفری قاسملووی زانا شاد بکا.بەش بە حاڵی خۆم لەم قۆناخەدا کە هەموو نیگاکان بەرەو ''وییەن''ە و لە هەموو ئۆروپارا ئۆگرانی رێبازی پرلەشانازی قاسملوو خۆیان ئامادە کردوە لەم رێ و رەسمە بەشکۆ و پیرۆزەدا بەشداری بکەن.نووسینی بابەتێکی لەم چەشنە کەجیایی و دووبەرەکی دەخاتە باشتر بەرێوە چوونی ئەم رێ و رەسمە ، نە بە پێویست دەزانم و نە کاتی ئەوەیە نووسینی ئاوا بخرێتە بەر دیدی خەڵک.

تکا و رجا لە ئێوە ولە هەموو ئەوانەی وەک ئێوە بیر دەکەنەوە دەکەم نووکی قەلەمەکانتان ئەهوەن کەنەوە و لەم جۆرە نوسینانە خۆ بپارێزن.لێگەرێین با ئەو رۆژە بکەینە رۆژی یەکێتی هەموو کوردان بە راست و چەپەوە و رۆژی رێز لێنان لە سەرداری دێمۆکراسی و بە خەڵکی غەیرە کورد نیشان بدەین کە قاسملوو قیبلەگای کوردانی هەموو پارچەکانی کوردستانە و بۆ هەموو لایەکی جێی شانازی و رێزە.

هەروەها منیش دەنگم دەخەمە پاڵ دەنگی کاک د.جەمشیدی وئەگەر قەرارە هەڵەی رێنووسی زمانەوانی خەڵک بە چاو دادەیەوە واباشترە بۆ خۆشت نووسینەکەت لە هەڵە بە دوور رابگری کە ببێتە رێچکەیەک بۆ ئەوانەی کوردی نازانن بنووسن.

بە سپاسەوە:
10. | 2 Jul 2010 - 11:37

منیش پێم وایه‌ کاک ئاکۆ زمانێکی بڕێک زبری به‌ کار هێناوه‌ و ده‌کرا به‌ شیوه‌یه‌کی شیاوتر و به‌ زمانێکی سه‌رده‌میانه‌تر وڵامی کاک محه‌ممه‌د ی دابایه‌وه‌ چونکه‌ به‌ڕاستی به‌کار هێنانی زۆر یه‌ک له‌م وشه‌ و ده‌سته‌واژانه‌ ڕه‌نگه‌ به‌ قازانج نه‌بێ.
9. | 2 Jul 2010 - 11:12

سلاو کاک ئاکۆ ، هیوادارم شاد بیت و سه‌رکه‌وتو، برای هێژام له‌ سه‌ر ولامدانه‌وه‌که‌ی جنابت و بابه‌تی ئه‌و به‌رێزه‌ که‌ قسه‌یه‌کم بۆ وتن پێ‌نییه‌ به‌لام سه‌باره‌ت به‌ یه‌ک ره‌سته‌ی به‌رێزتان که‌ باسی هه‌له‌ نوسینه‌کانی ئه‌و به‌راده‌ره‌ ئه‌که‌ی،. دوای خوێندنه‌وه‌ی ئه‌و ره‌سته‌یه‌ به‌ وردی بابه‌ته‌که‌م خوێندیه‌وه‌و کابرا وته‌نی ویستم بزانم به‌رێزتان چه‌نده‌ کوردیه‌که‌تان بێ‌بزوێن‌و با بزوێن نوسیوه‌ که‌ چی مه‌خابن هه‌له‌ی وه‌ک خۆمان ئه‌لێن رێنوسی زۆری تێدا بوو، جیا له‌ هه‌له‌ زمانه‌وانی تا راده‌یه‌ک که‌ منی نه‌خوێنده‌وار هه‌ستیان پێ‌ئه‌که‌م.
بۆیه‌ ئه‌و رخنه‌م به‌ دلفراوانیه‌وه‌ لێ‌وه‌رگره‌و لانیکه‌م که‌ ئه‌نوسی خه‌لک هه‌له‌نوسی ئه‌کا خۆت له‌ هه‌له‌نوسی بپارێزه‌.
له‌ گه‌ل حۆرمه‌ت
برات دلشاد ج

...........
8. | 2 Jul 2010 - 11:11

سلاو،
به‌ داخه‌وه‌ که‌ ئه‌مرۆ که‌سانیک وه‌ک کاک ئاکۆ خۆیان به‌ قوتابی و درێژه‌ده‌ری رێگای د، قاسملووی شه‌هید ده‌زانن، به‌ دلنیایه‌وه‌ شه‌هید قاسملوو قه‌ت قوتابی وه‌ک جه‌نابتی که‌ نوسینی پر له‌ بێرێزی بلاو ده‌که‌یه‌وه‌ رانه‌ده‌گرت، قوتابخانه‌ی شه‌هید قاسملوو جیگای قوتابی ئاوای تیدا نه‌ده‌بوو، به‌لام داخه‌که‌م ئیستا خۆی له‌ ژیان دا نه‌ماوه‌ ئیوه‌مانان خۆتان کردۆته‌ ده‌مراستی ئه‌و خه‌لکه‌ هه‌ژاره‌.
کاک ساله‌ تاکایه‌ بلاوی بکه‌وه‌، چونکه‌ به‌ داخه‌وه‌ زۆر جار بۆچونه‌کانی من ون ده‌که‌ی.

............
7. دیمه ن | 2 Jul 2010 - 10:16

كاک ئاکۆی به رێز سڵاو.
به رێز بۆ هه مو که س ئاشکرایه که دۆکتۆر قاسملۆ رێبه ره کی ،لێهاتو،مۆدێرن و خاوه ن که سایه تیکی به رزه
به ڵام تؤ رێبازی به رزی گه وره پێاوی ناوداری کۆرد ....ئه و شێوازه نوسینو ئاخه وتنی جه نابت چه نده زه ربه ڵه که سایه تی ئه و گه وره پێاوه ده دات!!!
ڵه گه ڵ ئه و هه مو که س ده زانیت که ئه شێوه ئاخه وتنیێ جه نابت هێچ فری به رێبازی شه هیدی و سه رکردێ هه میشه زێندوه دؤکتۆر قاسمڵۆه وه نیه!!!
تکاییه که سایه تی به رزی ئه و گه وره پێاوی کۆردکه ئێستا نه ماوه و شه هید بۆوه..... مه هینه نێو شه ری حێزبایه تی و ته شکێڵاتی!!!

.............
6. محه‌ممه‌دی فه‌قێ عه� ... | 2 Jul 2010 - 06:29

به‌ڕێز کاک ئاکۆ ئه‌لیاسی سڵاو.
برای به‌ڕێز نوسراوه‌که‌تم خوێنده‌وه‌، سوپاس و ده‌ست خۆشی به‌ جه‌نابت ده‌ڵێم که‌ زه‌حمه‌تی خۆتتداوه‌ ئه‌گه‌ر به‌ بیانوی نوسراوه‌که‌ی منیش بێ، شتێک بنوسی، هه‌رچه‌ند هیچ په‌یوه‌ندی به‌ نوسراوه‌که‌ی منه‌وه‌ نیه‌.
به‌ هه‌رحاڵ من ئه‌م حه‌وتوه‌ زۆر سه‌رقاڵم له‌ دوایدا حه‌تهمه‌ن دڵنیابه‌ که‌ جوابێکتان ده‌نێرمه‌ خزمه‌ت به‌ به‌ڵگه‌وه‌، بۆ ئه‌وه‌ی بوغزه‌کانت دامرکێن و به‌ بیانوی نوسراوه‌که‌ی من ته‌وهین به‌ که‌س نه‌که‌ی.
له‌ کۆتای دا ده‌ڵێم به‌ڵێ من فه‌قێم و هیچیش پێم شه‌رم نیه‌ وه‌ک جه‌نابت ئیشاره‌ت پێکردوه‌ به‌ڵکو شانازیشی پێوه‌ده‌کم، چون من ڕه‌گ و ڕیشه‌ی سه‌رهه‌ڵدانی نه‌ته‌وه‌ی له‌ کوردستان دا له‌ حوجره‌کانه‌وه‌ ده‌بینم که‌ مه‌لاکان و فه‌قێکان به‌ڕێوه‌به‌ر و پێشه‌نگ بوون.
با ئه‌وه‌ بۆ جه‌نابت و ئه‌مساله‌کانتان هه‌ر حه‌یب بێ.
چاوه‌ڕوانی دیه‌کتان لێناکرێت.
له‌ گه‌ڵ ڕێزی دوباره‌
محه‌ممه‌دی فه‌قێ عه‌لی

...............
5. | 2 Jul 2010 - 00:02

کاک ئاکۆ (عادڵ) ئه‌لیاسی له‌ نووسینه‌که‌تدا شتێک حاڵی نه‌ بووم کێ به‌ یانه‌مه‌ی ده‌ر کردوه‌ و دکتوور قاسملوی به‌ دیکتاتور ناو بردوه‌؟
تکایه‌ بێ حورمه‌تی به‌ فه‌قێش مه‌که‌ چوونکه‌ زۆر فه‌قێمان هه‌بووه‌ که‌ هه‌ر له‌ حیزبی دیمووکراتدا شه‌هید بوون، خۆ قازیش فه‌قی بوو! فه‌قێ هه‌ر فه‌قی یه‌ یانێ چێ؟ ته‌ عبیری ئێوه‌ له‌ فه‌قی ئاخونده‌؟
سۆپاس

.............
4. | 1 Jul 2010 - 22:01

کەک ئاکۆ....
لەسەر ئەوەیی کە بە وەزیفەیی حزبی و کاری خۆت زانیوە و ولامی کاک ..محمد..ت داوەتەوە ..قسەیەکم ننە ....
بەلام لە خۆت و خۆم دەپرسم .....
تاکەیی ئێمە هەر دەبێ زمانی تۆند و تیژی بە کار بینین ....
دووهەم ...
بە ئیشارە باسی کەسێکت کردووە ،کە ئەو مەقالەیە لە لایەن ئەوەوە نە نووسراوە .....
من پێم وایە ،،،ئێمە دەبێ بەرژەوەندی نەتەوەیی مان لە سەرەوەیی قازانجی حزبایەتی بێت ...
سەرکەفتی بی ....
کەک ئاکۆ

............
3. | 1 Jul 2010 - 21:15

هەم بۆ کاک ئاکۆ و هەم بۆ ماڵپەری پێشمەرگەکان
منیش هاوسەنگەرتانم، کوردم و بە هەڵە و چەوتیەکانی نێو بزووتنەوە ناڕاحەتم. قەتیش پێم خۆش نیە لە سەر بابەتی کەسێکی دیکە هەڵسەنگاندن یا بۆچوون بنووسم، بەڵام بە ڕاستی ئەوەندە لەو شێوە نووسینانە، لەو ئەدەبیاتە، لەو تێڕوانینە، ئیدی هەر کەس بینووسێ، ماندوو و بێزارم کە هەر کات چاوم پێیان دەکەوێ دەڵێم سەد حەیف بۆ نەتەوەیەک کە ئێستاش خەباتگێڕانی ئاوا هێز و ئینرژییان لە دژی یەکتر بە کار دێنن. با ئێمەی کوردیش حورمەتی خۆمان، نووسین، شەهیدەکانمان و نەتەوەکەمان بگرین. هاوار، بەسە ئیدی واز لەو شێوە نووسینانە بێنن.

................
2. | 1 Jul 2010 - 21:03

دست خۆش کاک ئاکۆ ، ئه‌و چه‌واشه‌ کاریانه‌ ئه‌بی ئاوا ، به‌جوانی بۆ خوینه‌ر رون بکره‌ته‌وه‌، با فه‌قی کانی ...........

..........
1. | 1 Jul 2010 - 18:39

سلاو له‌ کاک آکو،دستت خوش بیت زور جوان و پخته‌ بو،.

  • تکایه‌ بۆچوونه‌کانت به‌ فۆنتی کوردی یونیکۆد بنووسه


  • هه‌ر بۆچوونێک به‌غه‌یری ئه‌م فۆنته بنووسرێ بڵاو ناکرێته‌وه


  • کۆده‌کانی خوارو وه‌ک خۆی یان به‌ پیتی بچووک بنووسه








  • .تکایه‌ کۆده‌کانی خواره‌وه‌ بچووک یان وه‌ک خۆی بنووسه‌وه و هه‌وڵ بده‌ کۆپی لای خۆت راگره‌ نه‌کا به‌ جاری یه‌که‌م نه‌ڕوات ‌
    ده‌بێ بزانین که‌ تۆ مرۆڤی



    

     
         
      هه‌موو مافه‌کانی ئه‌م ماڵپه‌ڕه‌ پارێزراوه‌