|
ئاگاداریهکان |
بنکهی کادر و پێشمهرگهکانی مهڵبهندی سپی سهنگ که پێک هاتبوو له شارهکانی پیرانشار و نهغهده له بناری قهندیل ، گوندی لێوژێ ئهو کات چۆل کراو به هۆی رێژیمی بهعس بوو، بهراست شوێنێکی خۆش و دڵ گیر و سهر سهوز بوو.
دوای ئهوهی رێژیمی بهعس له سینهمۆکه دهری کردین له وێ گیرساینهوه، ئهوکات که من له وێ بووم خهڵکی ستانی باشوور بۆیان نهبوو ههر سهردانی ئهم گوندهش بکهن و ئێمهش ورده ورده له ژێر فشار دهخراین و زۆر جار دههاتن و دهوروبهری ئهم گونده به بههانهی جۆراو جۆر دهگهڕان ، ئێمه بۆ چوونهوهی ناوچهش ناچار بووین به دزی و بهشهو به دۆڵی ماونان دا برۆین و ئهم ڕێگایهش کهم خهتهر خهتهر نهبوو ، من خۆم له له بستووی کێوهکه که له لێوژێ را دهرۆی، کهوتمه سهر نارنجۆکی تهڵهیی و ئێستاش چهند ورده تکهم له پشت دا ماوه، بهڵام به خۆشیهوه برینهکهم به هۆی ئهوهی خهشابهکهم پێشی گرتبوو ، قورس نهبوو و توانیم له گهڵ هاورێکانم به سواری یهستهر ئیدامهی ڕێگا بدهم و بچم بۆ قهندیل که تازه بنکهمان له وێ دانا بوو. دیاره من تهنیا 17 رۆژ له وی مام و دواتر بهڕێ کرام بۆ سوید .
له گوندی لێوژێ ههموو ساڵێک یادی رۆژه مێژوویهکانمان دهگرت ، منیش ئهم رۆژانه چاوم به کاسێتهک کهوت که 2 ی ڕێبهندانی ساڵی 1367 ههتاوی له یادی جێژنی دوی ڕێبهندان دا زهبتم کردوه لهم یادهدا هاوڕێیان به سرود وههڵبهست و گۆرانی بهشداری دهکهن و گۆرانی یهکهم به دهنگی خۆشی هاوڕێی شههید مهلا برایم پوور سهعیده که بهراست رۆڵهیهکی زۆر زۆر ئازا و نهترس و له بهردڵان بوو.
بهداخهوه من چاوم له ئاڵبۆمی وێنهکانم کرد که به داخهوه وێنهی ئهم هاوڕێیهمی تێدا نهبوو ، من پێم وایه وێنهکهم داوهتهوه به خۆی ، بۆیه لای من نهماوه.
لهم یاده زۆر هاوڕێی بهڕیزی ئهو کات( بۆیه دهڵێم ئهو کات بهداخهوه یهک دوو کهسیان له گهڵ حیزب نهماون) به شداریان کردوه که من وێنهکان و یهک سهعات له گۆرانی و سرودهکان دا دهنێم و هیوادارم به دڵی ئێوهی بهڕێز بێت.
به سڵاو له روحی شههید مهلا برایم و ههموو شههیدانی دیکهی گهلهکهمان
ساڵه نهڵۆسی
تکایه بۆ وێنهکانی تر ئێره کلیک بکه
کاک ساڵهی بهڕێز ئهم کاتهت باش...
زۆر سپاس له نووسینی ئهم بیرهوهریه و به ڕاستی نیشاندانی وێنهکان منی یهکجار زۆر کهیف خۆش کرد. هۆکارهکهشی دهگهڕێتهوه بۆ ئهمه که من و براکهم لهم کۆڕه سرووده داین که له وێنهکان دا نیشان دراوه و دهتوانم بڵێم ساڵههایه به دوای ئهم وێنانه دا دهگهڕێین.
بۆیهش دیتنی ئهم وێنانه کۆمهڵێک بیرهوهری شیرین و تاڵی شهستهکان و ساڵههای مناڵی خستمهوه یاد و بهم بۆنهوهش سپاسی ئێوه دهکهم و دهستخۆشیتان لێدهکهم بۆ دانانی ئهم وێنانه.
به سپاسهوه..
مهسعوود مهناف
سڵاو هاوڕێی مهسعود
ئهم کاتهت باش و ههر به شادی بژیت، من که چاوم به وێنهکان کهوت زانیم که وێنهی تۆ و کاک ئهسعهدی تیدایه و وێنهی که له لای منن ، من تهنیا به وێنهی خۆمیان نازانم، ههر چی من ههم بێت وهک ئارشیوی وێنه ههوڵ دهدهم که بکهوێته دهستی کهسانی وهک بهڕێزیشت، من له ژیانی پێشمهرگایهتی دا زۆرم عهلاقه به وێنه گرتن بوو و که هاتم بۆ سویدیش تهنیا شتێک که هێنام وێنهکانم بوو که نزیکهی 1000 دانهیهک دهبن، دیاره فیلمهکانیشم ماون بهڵام نازانم بۆ ئهوه دهبن دوباره چاپیان کهمهوه یان نا.
لهم وێنهیه دا ماشاڵا وهک ئێستا خوێن شیرینیت ، ئای کوڕی خاڵ پیرۆتی عهبدوڵا که زۆر چوکهیه و سهندهڵیان بۆ داناوه بۆ ئهوهی خهڵک بیبنێت.
ههر بهشادی بژیت کاک مهسعود
سڵاو له بنهماڵهی گشت شههیدانی حیزبمان.
ساڵه نهڵۆسی
ai chand xosh bo av katana ka lanav hizb daboin har chand mn mndal bom balam zor xosh bo la lam xozga av kat mrdbam balam av roja rasham nadiba ka vaian la hizba nazdarakamin krd . dabi blem har bgin shirani piranshar har dam eva shorshgir bon hich kat vadoai jodabonavakaran nakavtn
دهستت خۆش ئاڤا ، ههر بژیت، تکایه ههوڵ بده به پیتی ئارامی بنووسه .
سلاو له پێشمهرگه باسکی به هیزی گهل
ساله نهڵۆسی
به راستی ده ستت خۆش کاک ساله راست ئه و رۆژانه مان وه بیرده هئنیه وه که له لئیوژێ بوین به راستی یادی دوستانی له ده ست جومان به خئیر سلاو له هه مو شه هیده کانمان