بەرێوە چوونی رێورەسمی ٢٥ی گەلاوێژ لە ئامریکا
ئیوارەی رٶژی شەمە رێکەوتی ١٤ی ئووتی ٢٠١٠ کاتژمێر ٨ی ئێوارێ کۆمیتەی حیزبی دیمۆکراتی کوردستانی ئێران لە ئامریکا رێورەسمێکی بۆ ئەندامانی حدکا لە ئامریکا لە شاری فایرفکس سەر بە ئیالەتی ڤیرجینیا پێک هینا.
بەرنامەکە بە سروودی نەتەوایەتی ئەی رەقیب دەستی پێ کرد پاشان خولەیەک بێدەنگی بۆ رێز گرتن لە گیانی پاکی شەهیدان بەتایبەت سەرقافلەی شەهیدان قازی محەممد ،دوکتوورقاسملوو و دوکتوور شەرەفکەندی راگەیندرا. بەدوای وی دا پەیامی کۆمیتەی حدکا لە ئامریکا لەلایەن محەممد گرژالی خویندرایەوە. لە لایەن پێشکەش کری برنامەکە ئەرسەلان رامینە وە چەند سروود سەبارەت بە ٢٥ی گەلاوێژ خویندرایەوە. هەروەها چەند گۆرانی لە لایەن سەعدولا فەتاحی ئەندامی حدکا و بەرێز جانی دیلان پێشکەش کرا کە لە لایەن بەشدارانی رێورەسمەکەوە پێشوازیان لێ کرا، بەشێکی تری رێوەسمەکە بە شایی و هەلپەرکێی بەشدارانەوە رازایەوە و رێورەسمەکە لە کاتژمێر ١٢ی نێوەشەو لە نێو خوشحالی بەشداربوانەوە کۆتایی پێ هات.
هەوالنێر:
کۆمیتەی حیزبی دیمۆکراتی کوردستانی ئێران-ئامریکا
١٥ی ئووتی ٢٠١٠
|
|
